За користење на платформата СМАРТ ИНВЕСТ ГРОУП
I.ОПШТИ ОДРЕДБИ
Овие Општи одредби и услови ги регулираат правилата според кои корисниците (вложувачите) можат да ги користат услугите на платформата СМАРТ ИНВЕСТ ГРОУП.
СМАРТ ИНВЕСТ ГРОУП е домен кој функционира како интернет-базирана платформа за олеснување на активностите за инвестирање на средства, односно капитален придонес за изградба на објекти од страна на инвеститори кои имаат склучено договори со СМАРТ ИНВЕСТ ГРОУП за вложување на средствата во градбата заради добивање на одредена и точно договорена заработувачка на вложените средства согласно договорените услови за секој проект посебно, како и за поедноставно и транспарентно поврзување на корисници (вложувачи) кои се заинтересирани за пласман на своите слободни средства, со оние кои имаат модерни бизнис-идеи со голем потенцијал, и овозможува за физички и правни лица да инвестираат во приватен капитал заедно со веќе етаблирани успешни компании во проекти кои се наменети за реализирање на проекти во областа на недвижен имот, инфраструктурни објекти, старт ап бизниси и слично. Платформата СМАРТ ИНВЕСТ ГРОУП делува и како алатка за рекламирање, обезбедувајќи им на корисниците (вложувачите) идеи и информации. СМАРТ ИНВЕСТ ГРОУП ДОО е администриран и е во сопственост на Друштво за градежништво, производство и услуги СМАРТ ИНВЕСТ ГРОУП ДОО Скопје со седиште на ул.Филип Втори Македонски, бр.11, локал 5, Скопје, со ЕМБС 7685076 и ЕДБ 4080023615957.
Податоци за кореспонденција:
Телефон: +389 70 314 493
Е-пошта: contact@sigroup.mk
Лице за контакт: Александар Тодосиев
СМАРТ ИНВЕСТ ГРОУП како дигитална платформа комуницира со инвеститорите и корисниците (вложувачите) на начин што ги прима паричните средства од страна на корисниците (вложувачите) за претходно презентиран и договорен проект и по претходно договорени услови за начинот на уплата, рокови за враќање, договорена заработка и со уплата на примените средства од страна на корисниците (вложувачите) према договорениот инвеститор, како и за враќање на средствата со договорената заработувачка према корисниците (вложувачите) сето тоа преку софтверска апликација за организација и управување.
II.КАРАКТЕРИСТИКИ НА УСЛУГИТЕ
Инвеститорите со кои се вршат трансакциите односно се склучуваат договори, преку платформата СМАРТ ИНВЕСТ ГРОУП се друштва основани и регистрирани во согласност со законите на Република Северна Македонија.
Корисниците (вложувачите) на платформата СМАРТ ИНВЕСТ ГРОУП се физички или правни лица кои сакаат на Инвеститорите преку вложување на средства да им помогнат финансиски исполнување на одредени проекти и за тоа да се стекнат со одредена заработувачка.
Договорите се склучуваат од далечина со електронски потпис. Електронскиот потпис се создава со генерирање на лична лозинка од СМАРТ ИНВЕСТ ГРОУП, која ја сочинува секоја алфанумеричка комбинација, која се испраќа до корисникот по неговата прелиминарна идентификација преку е-пошта или телефонски.
Создавањето на електронскиот потпис се врши со генерирање на лична лозинка, која ја сочинува секоја алфанумеричка комбинација, која му се дава на корисниците (вложувачите) по неговата прелиминарна идентификација преку е-пошта или телефонски. Корисникот (вложувачот) се согласува дека потписите создадени според претходната одредба ќе имаат правно значење на своерачен потпис.
Договорот стапува во сила по извршената уплата од страна на корисниците (вложувачите).
Уплатата се смета за извршена по потврда за прием на износот на жиро-сметката на администраторот на платформата.
Средствата што ги инвестираат корисниците (вложувачите) преку платформата СМАРТ ИНВЕСТ ГРОУП за инвестирање на побарувања не се депозити.
Услугите што се обезбедуваат преку платформата не се лиценцирани инвестициски услуги и не подлежат на регулаторните правила за јавна понуда на хартии од вредност и за пазарни финансиски инструменти или други прописи што ги регулираат активностите на инвестициските посредници, шемите за колективни инвестиции и други друштва за колективни инвестиции.
Минималниот износ за инвестиција е 500 (петстотини) евра, во денарска противвредност согласно средниот курс на НБРСМ на денот на уплатата на средствата.
III. ПРИСТАП И КОРИСТЕЊЕ НА УСЛУГИТЕ
Платформата СМАРТ ИНВЕСТ ГРОУП овозможува пристап до услугите по задолжителната регистрација на корисниците (вложувачите) преку креирање и персонализирање на кориснички профил.
Некои од информативните услуги на платформата СМАРТ ИНВЕСТ ГРОУП им се обезбедуваат на корисниците (вложувачите) без потреба од претходна регистрација. Ова се информативните делови со отворен пристап по првичната визуелизација на веб-страницата.
Корисникот (вложувачот) регистрира својот кориснички профил во платформата СМАРТ ИНВЕСТ ГРОУП, обезбедувајќи ги потребните информации и документи, според внесените критериуми и наведените чекори за регистрација. Доколку е потребно, корисникот дава дополнителни информации, помош за верификација и идентификација, што се смета дека се согласува да се изврши со внесување на првичните информации за регистрација.
Автоматизиран систем го води корисникот низ процедурата за регистрација.
Корисникот се обврзува да обезбеди точни, ажурирани и сеопфатни информации за негова идентификација според поставените критериуми и услови за регистрација.
Секој корисник е лично одговорен за точноста на содржината внесена и објавена од него во платформата СМАРТ ИНВЕСТ ГРОУП, вклучувајќи ги и декларациите дадени преку личниот кориснички профил.
Платформата СМАРТ ИНВЕСТ ГРОУП го задржува правото да ја следи точноста и навременоста на податоците обезбедени од корисниците (вложувачите) на нивните регистрирани профили, да одбие и да ја прекине регистрацијата без известување доколку утврди неусогласеност со внесените податоци, што укажува на недоволни или неточни податоци или со цел да се спречи прекршување на важечкиот закон.
Корисникот го користи регистрираниот профил во платформата СМАРТ ИНВЕСТ ГРОУП откако ќе биде потврден и активиран од администраторот, доколку ги исполнува сите критериуми за регистрација, за што ќе биде известен преку воспоставениот канал за комуникација.
Со активирање на корисничкиот профил, се смета дека корисникот го овластил и дозволил СМАРТ ИНВЕСТ ГРОУП, како сопственик на платформата СМАРТ ИНВЕСТ ГРОУП, да ги изврши потребните активности за давање услуги на корисникот според модулите и функционалностите на СМАРТ ИНВЕСТ ГРОУП ДОО платформaтa, што одговара на податоција и критериумите кои ги внесил на својот кориснички профил.
Корисниците (вложувачите) на платформата СМАРТ ИНВЕСТ ГРОУП мора да бидат полнолетни лица над 18 години кои имаат деловна способност легално да склучуваат договори. Корисниците (вложувачите) на платформата СМАРТ ИНВЕСТ ГРОУП може да бидат физички лица, трговци поединци и правни лица соодветно регистрирани во надлежен регистар, идентификувани вклучително и преку нивните законски застапници во согласност со барањата на важечкото законодавство.
Секој корисник на платформата СМАРТ ИНВЕСТ ГРОУП е одговорен за чување на доверливоста на корисничките имиња, лозинките, идентификациските кодови и броевите обезбедени и користени од него, и е одговорен за секое дејство и пристап извршен со нив, а кои ќе се сметаат за извршени во име на на сметка на корисникот.
Корисникот се обврзува да ја чува доверливоста на информациите за пристап до неговата сметка и е целосно одговорен за сите дејствија што се вршат со користење на корисничкото име и лозинката. Корисникот се обврзува веднаш да ја извести платформата за неовластен пристап или по веројатност и сомневање за таков пристап, како и за секое друго можно нарушување на безбедноста.
СМАРТ ИНВЕСТ ГРОУП обезбедува пристапност, континуитет и безбедност кои се заеднички за дигитална содржина или услуги од ист тип во рамките на разумните очекувања на корисниците (вложувачите). Пристапот до услугите може привремено да биде ограничен од надворешни причини надвор од контрола на администраторот на платформата, вклучително, но не ограничувајќи се на виша сила, случајни настани, глобални проблеми со интернет или причини поради опремата на корисникот, во кој случај ќе биде потребно неопходни чекори за да се врати пристапот што е можно поскоро.
Платформата СМАРТ ИНВЕСТ ГРОУП ги врши дејствијата за техничко воведување, одржување, обработка и ажурирање на информациите од објавената содржина, задржувајќи го правото на промена на видот, технологијата и дизајнот на дадените услуги.
IV.ОТКАЖУВАЊЕ ОД ДОГОВОРОТ
Корисникот (вложувачот) може да се откаже од договорот за сите или дел од вложувањата, со експлицитна писмена изјава до администраторот, поднесена преку платформата СМАРТ ИНВЕСТ ГРОУП, а раскинувањето на Договорот ќе се направи согласно условите прадвидени во истиот.
Администраторот како примател на средства може да го раскине договорот со Корисникот (вложувачот) за сите или дел од вложените средства со известување до Корисникот (вложувачот) преку платформата СМАРТ ИНВЕСТ ГРОУП.
V.ОБРАБОТКА И ЗАШТИТА НА ЛИЧНИ ПОДАТОЦИ
Со внесување на потребните податоци за регистрација според поставените критериуми и чекорите во платформата СМАРТ ИНВЕСТ ГРОУП, корисникот (вложувачот) дава електронска изјава, со која доброволно дава своја експлицитна согласност за обработка на информации кои содржат лични податоци, согласно со Политиката за приватност.
Личните податоци на корисниците (вложувачите) ќе се користат и обработуваат во потребната мера за целите на објавените услуги, достапни преку платформата СМАРТ ИНВЕСТ ГРОУП, во согласност со нормативниот ред и ќе бидат заштитени со технички и организациски мерки, во согласност со Законот за заштита на личните податоци.
СМАРТ ИНВЕСТ ГРОУП ДОО Скопје е обработувач на лични податоци во име и врз основа на писмен договор со корисниците (вложувачите).
VI.ПРИГОВОРИ
Секој можен спор помеѓу платформата СМАРТ ИНВЕСТ ГРОУП и корисниците (вложувачите) ќе биде решен со заеднички напори на страните со Договор.
Секој корисник има право да поднесува приговори во писмена или електронска форма со испраќање на објавените адреси и средства за кореспонденција. СМАРТ ИНВЕСТ ГРОУП ДОО Скопје најдоцна во рок од 14 (четиринаесет) работни дена од приемот на приговорот го разгледува и со образложено решение се произнесува.
VII. ДРУГИ УСЛОВИ
Секој корисник на платформата СМАРТ ИНВЕСТ ГРОУП е лично одговорен за законитоста на своите постапки. Услугите на платформата СМАРТ ИНВЕСТ ГРОУП може да се користат само за легални цели, во согласност со објавените Општи услови за пристап до услугите. Освен ако не е поинаку наведено, веб-страницата на платформата СМАРТ ИНВЕСТ ГРОУП со нејзините елементи и содржина, уметнички дела и дизајн, трговски марки, избрани бази на податоци, софтвер, домен, рекламни производи, графика, логоа, фотографии итн., без разлика дали е регистрирана или не, се сопственост на СМАРТ ИНВЕСТ ГРОУП ДОО Скопје и истите се користат со нивна согласност и се предмет на заштита како интелектуална сопственост. Хиперврските од платформата СМАРТ ИНВЕСТ ГРОУП до сајтови во сопственост на трети страни, доколку ги има, се обезбедени исклучиво за погодност на корисникот и платформата не презема одговорност за нив или нивната содржина и начинот на кој тие ги користат личните податоци на потрошувачот. При посета на некои од овие страници, корисникот го прави тоа целосно на сопствен ризик. СМАРТ ИНВЕСТ ГРОУП го задржува правото да ги промени овие Општи услови со тоа што ќе ги извести корисниците (вложувачите) со објавување на веб-страницата. Секоја измена на овие општи услови ќе важи за понатамошното користење на платформата. Овие Општи одредби и услови се прифатени од СМАРТ ИНВЕСТ ГРОУП ДОО Скопје."
